«Minskvodakanał» źviarnuŭsia da minčukoŭ nakont jakaści vady
Padrabiaznaści ahučyŭ namieśnik dyrektara — hałoŭny inžynier pradpryjemstva «Minskvodakanał» Anton Hałaskok.
Namieśnik dyrektara raskazaŭ, dzie minčuki mohuć pravieryć vadu na jakaść. Jon źviarnuŭ uvahu, što pravierka vady ŭ chatnich umovach budzie niedakładnaj.
Pavodle jaho słoŭ, vada daśledujecca ŭ śpiecyjalnych łabaratoryjach i ŭstanovach: «U nas akredytavanaja łabaratoryja vykonvaje daśledavańni takoha kštałtu. Akramia nas, takija łabaratoryi jość i ŭ inšych arhanizacyjach».
Anton Hałaskok adznačyŭ, što žychary Minska, jakija chočuć upeŭnicca ŭ jakaści vady, źviartajucca albo ŭ «Minskvodakanał», albo ŭ Respublikanski centr hihijeny i epidemijałohii.
Paśla pravierki zajaŭniku vydajecca pratakoł vyprabavańniaŭ, u jakim utrymlivajecca infarmacyja pra padrabiaznaje daśledavańnie ŭziatych uzoraŭ vady.