Premjer Litvy pra pierajezd Cichanoŭskaj u Polšču: Nie baču ni vyhady, ni straty
«Heta jaje asabistaja sprava — vyrašać, što jana vybiare», — skazała Inha Ruhinienie.
Śviatłana Cichanoŭskaja. Fota: Chris J Ratcliffe Bloomberg via Getty Images
Premjer-ministr Litvy Inha Ruhinienie zajaviła, što nie bačyć ni vyhady, ni straty, kali lidar biełaruskaj apazicyi Śviatłana Cichanoŭskaja pierajedzie ź Vilni ŭ Varšavu, piša Delfi.lt.
«Heta jaje asabistaja sprava — vyrašać, što jana vybiare», — skazała kiraŭnik urada ŭ intervju Delfi.
«Ja nie baču ni dadatkovaj vyhady, ni straty. Našy kantakty ź biełaruskaj apazicyjaj vielmi mocnyja, i nie tolki sa Śviatłanaj. Apazicyja — heta nie tolki Śviatłana, heta značna bolš ludziej. Ja rada, što byli vyzvaleny apošnija lidary, jakija taksama ŭdzielničali ŭ prezidenckich vybarach. Mnie zdajecca, heta vielmi važna», — padkreślivaje premjer.
Učora dypłamatyčny daradca Cichanoŭskaj Dzianis Kučynski paćvierdziŭ, što častka ofisa budzie pieraviedziena ŭ Varšavu. Praŭda, jon zapeŭniŭ, što dziejnaść ofisa ŭ Litvie praciahniecca, a rašeńnie ab pašyreńni jaho dziejnaści ŭ Varšavie było pradyktavana situacyjaj, jakaja źmianiłasia ŭ halinie biaśpieki.