Na Homielščynie dreva ŭpała na rejsavy aŭtobus z pasažyrami
U Homielskim rajonie na rejsavy aŭtobus zvaliłasia dreva. Incydent adbyŭsia 22 studzienia kala 18:40 na 52‑m kiłamietry trasy M-10 «Miaža RF — Homiel — Kobryn». Aŭtobus ruchaŭsia pa maršrucie «Homiel — Ziabraŭka», paviedamlaje DAI Homielskaj vobłaści.
Pavodle papiarednich źviestak, za rulom znachodziŭsia 49‑hadovy kiroŭca, u sałonie jechali pasažyry. Na ščaście, nichto ź ich nie atrymaŭ traŭm.
Na miescy zdareńnia pracujuć supracoŭniki DAI i MNS, jakija aceńvajuć situacyju i likvidujuć nastupstvy zdareńnia. Praz heta ruch transpartu na hetym učastku darohi niejki čas uskładnieny.