Aryna Sabalenka stała tvaram luksavaha brenda «Hučy»

Italjanski dom mody Gucci abviaściŭ novuju ambasadarku brenda, jakoj stała biełaruska Aryna Sabalenka. Biełaruskaja tenisistka, jakaja ciapier uznačalvaje suśvietny rejtynh WTA i źjaŭlajecca čempijonkaj US Open 2025 hoda, stanie hałoŭnym tvaram Gucci ŭ žanočym tenisie.

Aryna Sabalenka ŭ sukiency Gucci

U rekłamnym videa Sabalenka pakazanaja padčas rozyhryšu z rakietkaj u rukach. Jana adzietaja ŭ doŭhuju šaŭkovuju sukienku bežavych i ciomna-karyčnievych adcieńniaŭ z kalekcyi viasna—leta 2026 hoda. Vobraz dapoŭnieny pierjevymi elemientami, firmovym uzoram GG i załatymi zavušnicami z łahatypam brenda.

Raniej Gucci taksama zaklučyŭ partniorstva ź italjanskim tenisistam, pieramožcam čatyroch turniraŭ ź sieryi Vialikaha šlema Janikam Sinieram. Jon pradstaŭlaje nie tolki asnoŭnyja kalekcyi, ale i novuju liniju dla zimovych vidaŭ sportu Gucci Altitude.

Sabalenku ž niadaŭna vybrała i kampanija Nike u jakaści tvaru dla zapusku novaj madeli krasovak Shox Z.

Kamientary da artykuła