U Italii znajšli baziliku, sprajektavanuju staražytnarymskim architektaram Vitruvijem

U Italii archieołahi znajšli baziliku, sprajektavanuju staražytnarymskim architektaram Vitruvijem. Znachodku zrabili ŭ horadzie Fana padčas raskopak na płoščy Andrea Kosta, paviedamiła Ministerstva kultury Italii. Bazilika adpaviadaje apisańniu, jakoje Vitruvij źmiaściŭ u svajoj pracy «Dziesiać knih pra architekturu».

Fota: Ministerstva kultury Italii

Pošuki budynka praciahvalisia niekalki stahodździaŭ, a sučasnyja navukovyja mietady dazvolili paćvierdzić jaho sapraŭdnaść.

Bazilika maje pramavuholny płan i 12 kałon: pa vosiem na doŭhich bakach i pa čatyry na karotkich. Heta adkryćcio ličycca vielmi važnym dla vyvučeńnia staražytnaj architektury i pakazvaje, što Fana byŭ centram architekturnaj kultury zachodniaj cyvilizacyi.

Fota: Ministerstva kultury Italii

Mark Vitruvij Palijon, jaki žyŭ u I stahodździ da n. e., byŭ dla svajho času vielmi adukavanym čałaviekam u halinie architektury. Jon pracavaŭ vajskovym inžynieram padčas hramadzianskaj vajny ź Julijem Cezaram, budavaŭ vajskovyja mašyny, balisty i «skarpijony».

Fota: Ministerstva kultury Italii

U svajoj pracy «Dziesiać knih pra architekturu» jon razhladaŭ jak techničnyja, tak i estetyčnyja aśpiekty architektury, abahulniajučy vopyt hrečaskich i rymskich majstroŭ.

Kamientary da artykuła