Francyja prapanavała pravieści vučeńni NATA ŭ Hrenłandyi
Francyja prapanavała pravieści vučeńni NATA na terytoryi Hrenłandyi na fonie zajaŭ uładaŭ ZŠA pra žadańnie dałučyć da siabie dackuju aŭtanomiju.
Fota: AP Photo / Geert Vanden Wijngaert
Paryž hatovy spryjać ich praviadzieńniu. Pra heta ŭ sieradu, 21 studzienia, paviedamiła ahienctva AFP sa spasyłkaj na zajavu ofisa prezidenta Francyi Emaniuela Makrona.
Prapanova źjaviłasia za niekalki hadzin da prybyćcia prezidenta ZŠA Donalda Trampa ŭ šviejcarski Davos na Suśvietny ekanamičny forum. Tam amierykanski lidar, jak čakajecca, znoŭ zakranie temu nabyćcia Hrenłandyi, niahledziačy na niazhodu žycharoŭ vostrava, Danii i inšych jeŭrapiejskich krain.
Pakolki i ZŠA, i Danija ŭvachodziać u NATA, narastajučaja sprečka «pahražaje raskołam u abaronnym aljansie».