Za minuły hod u Litvie pryznali pahrozaj nacyjanalnaj biaśpiecy ŭtraja bolš biełarusaŭ, čym pazaletaś
Litva ŭ minułym hodzie pryznała, što 1634 hramadzianie Biełarusi niasuć pahrozu nacyjanalnaj biaśpiecy. Heta amal u try razy bolš, čym u 2024 hodzie, kali było pryniata 598 takich rašeńniaŭ, piša Delfi.lt.
Letaś Departamient mihracyi nie vydaŭ časovy dazvoł na žycharstva ŭ Litvie 391 hramadzianinu Biełarusi pry pieršym zvarocie pa jaho i nie pradoŭžyŭ dazvoł 1023 asobam paśla zakančeńnia terminu dziejańnia dakumienta.
Ź inicyjatyvy Departamienta mihracyi taksama byli anulavany 214 vydadzienych i na toj momant dziejnych časovych dazvołaŭ na žycharstva ŭ Litvie, vydadzienych hramadzianam Biełarusi. Akramia taho, viedamstva admoviła ŭ vydačy pastajannaha dazvoł na žycharstva adnamu biełarusu, a ŭ piaci takija dakumienty byli anulavany.
U 2025 hodzie 87 hramadzian Rasii taksama byli pryznany pahrozaj dziaržaŭnaj biaśpiecy. Heta mienš, čym u minułym hodzie, kali takich rašeńniaŭ było 125.