Jašče ŭ adnym horadzie adbyłasia avaryja na ciepłatrasie, dziasiatki damoŭ zastalisia biez aciapleńnia
20 studzienia kala doma № 22 na vulicy Žodzinskaj u Smalavičach adbyŭsia paryŭ trubapravoda dyjamietram 219 milimietraŭ. Likvidacyjaj paškodžańnia zajmajucca śpiecyjalisty miascovaj słužby ŽKH, paviedamiła vydańnie smolevichi-24.by.
Fota: smolevichi-24.by
Kamunalniki byli vymušanyja časova spynić rabotu centralnaj kacielni. Praz heta ŭ 47 šmatkvaternych i 16 pryvatnych damach uźnikli pieraboi z aciapleńniem.
Jak paviedamiŭ namieśnik staršyni Smalavickaha rajvykankama Alaksiej Harbač, ramontnyja raboty ŭžo pačalisia i, pavodle acenak, zojmuć kala 4—5 hadzin. Poŭnaje adnaŭleńnie ciepłazabieśpiačeńnia va ŭsich zakranutych damach płanujecca da ranicy.
U papiarednija dni pra prablemy ź ciepłazabieśpiačeńniem padčas marazoŭ paviedamlałasia ŭ Minsku, Homieli i Barysavie.
Čytajcie taksama:
Z-za avaryi na ciepłatrasie ŭ Minsku zaŭvažyli marozny smoh. Ci niebiaśpiečny jon?
Ciepłazabieśpiačeńnie ŭ Minsku całkam adnoŭlena
U Barysavie taksama zdaryłasia avaryja na ciepłasietkach
Viartańnie ciapła ŭ kvatery Minska moža zaciahnucca da viečara. Haradžanie apisvajuć maštab avaryi
Łukašenka, jaki nie lubić haračyni, skazaŭ, što batarei ŭ kvaterach mohuć hreć i mienš