U centry Minska paśla DTZ pieraviarnułasia mašyna chutkaj dapamohi
Siońnia na skryžavańni vulic Pieršamajskaj i Zacharava ŭ avaryju trapiŭ aŭtamabil chutkaj miedycynskaj dapamohi, jaki śpiašaŭsia na vyklik.
Mašyna chutkaj jechała praz skryžavańnie na čyrvony sihnał śviatłafora, byli ŭklučanyja probliskavyja majački, pracavała hukavaja sihnalizacyja.
Adnak na skryžavańni adbyłosia sutyknieńnie ź lehkavikom. Udar byŭ davoli mocny, abiedźvie mašyny atrymali značnyja miechaničnyja paškodžańni, mikraaŭtobus chutkaj dapamohi pieraviarnuŭsia.
Na ščaście, u avaryi nichto nie paciarpieŭ.