Hruzin pryjechaŭ u Minsk na sustreču z žančynaj i pamior
Hramadzianin Hruzii pryjechaŭ u Minsk, kab sustrecca z žančynaj, ź jakoj doŭhi čas kamunikavaŭ u internecie, adnak hetaja sustreča skončyłasia trahiedyjaj, raskazali ŭ Dziaržaŭnym kamitecie sudovych ekśpiertyz.
Zdymak ilustracyjny. Fota: «Naša Niva»
Padzieja adbyłasia naprykancy śniežnia. U adnoj ź minskich kvater było znojdziena cieła mužčyny 1958 hoda naradžeńnia. Jak vyśvietliłasia, napiaredadni jon prybyŭ u stalicu Biełarusi dziela asabistaj sustrečy ź internet-znajomaj.
Padčas znachodžańnia ŭ kvatery mužčynie raptoŭna stała drenna. Bryhada chutkaj dapamohi, jakaja prybyła na vyklik, užo nie zmahła jamu dapamahčy i tolki zafiksavała śmierć.
Dla vyśviatleńnia abstavin zdareńnia była praviedziena sudova-miedycynskaja ekśpiertyza. Jana pakazała, što pryčynaj śmierci stali ciažkija zachvorvańni sardečna-sasudzistaj sistemy — ateraskleroz aorty z utvareńniem anieŭryzmy brušnoha adździeła na fonie arteryjalnaj hipiertenzii. Chvaroba ŭskładniłasia razryvam ścienki aorty, unutranym kryvaciokam i značnaj strataj kryvi.
Ekśpierty adznačyli, što takija zachvorvańni časta praciakajuć bieź vidavočnych simptomaŭ i mohuć pryvieści da imhniennaj śmierci, u tym liku pad uździejańniem mocnych emocyj abo stresu.
Čytajcie taksama:
Prakuratura pra śmierć Miełkaziorava: žurnalist mieŭ chraničnuju chvarobu
U Hruzii zatrymali dvuch biełarusaŭ z narkotykami na miljon dalaraŭ