U Italii biełarus razhramiŭ chirurhičnaje adździaleńnie balnicy
U italjanskim horadzie Pieša ŭ rehijonie Taskana niećviarozy 40‑hadovy biełarus narabiŭ bied u chirurhičnym adździaleńni balnicy. Pra heta paviedamlaje vydańnie La Nazione, piša sajt «Biełaruś i mir».
Fota: palicyja Italii
Incydent adbyŭsia ŭ niadzielu 11 studzienia. Kala 23.00 naš suajčyńnik, złamaŭšy zamok, prakraŭsia ŭ pamiaškańnie chirurhičnaj ambułatoryi balnicy imia śviatych Kasmy i Damijana. Tut jon pačaŭ bujanić, łamajučy meblu i robiačy taki hrukat, što niekatoryja vidavočcy aścierahalisia abvalvańnia budynka.
Akramia taho, mužčyna vyrašyŭ vynieści z saboj usio, što zmoh znajści ŭ kabiniecie: instrumienty, marlu, dezynfikacyjnyja srodki.
Miedrabotniki i supracoŭniki słužby biaśpieki nieadkładna vyklikali pravaachoŭnikaŭ. Prybyŭšy na miesca, tyja zatrymali bujana, pierš čym situacyja mahła pahoršycca, uličvajučy niebiaśpieku vykradzienych im vostrych pradmietaŭ.
Aryštavany nie źjaŭlaŭsia pacyjentam balnicy i nie mieŭ raniej pryvodaŭ u palicyju. Chutčej za ŭsio, jahonyja načnyja pryhody ŭ chirurhičnaj ambułatoryi byli vyklikanyja vyklučna ŭžyvańniem ałkaholu.
Čytajcie taksama:
U Minsku mužčyna raspyliŭ haz na pradavačku, jakaja nie davała jamu kraści bliny
Vinavataha ŭ hibieli dvuch dziaciej u DTZ pad Voranavam pasadzili na 8 hadoŭ
Mileŭski: Samaje składanaje — žyć jak Ranałdu. Mnie ž treba vypić piva, vypić vina