U Iranie ŭzłamali spadarožnikavaje viaščańnie dziaržaŭnych telekanałaŭ — Reza Piechlevi zaklikaŭ zrynuć režym ajatoł VIDEA
U Iranie nieviadomyja chakiery ŭzłamali spadarožnikavuju tranślacyju dziaržaŭnych telekanałaŭ. Zamiest zvyčajnaha efiru hledačy ŭbačyli zvarot Rezy Piechlevi, syna apošniaha šacha Irana. Jon zaklikaŭ iranskich vajskoŭcaŭ pierachodzić na bok pratestoŭcaŭ i damahacca adchileńnia viarchoŭnaha lidara krainy Ali Chamieniei.
Zapis uzłomu apublikavaŭ u sacsietcy X błohier i publicyst Chien Mazih, zasnavalnik Tel Aviv Institute. Na kadrach — łozunhi na farsi i reakcyja ludziej za kadram.
«Ja zaraz zapłaču», — kaža žančyna. Mužčynski hołas, pieraklučajučy kanały, nie chavaje ździŭleńnia: «Navat spartyŭny kanał… Vaŭ! Jany ŭzłamali ŭsie kanały».
U adnym z frahmientaŭ taksama bačnyja kadry z pres-kanfierencyi Frydrycha Mierca, na jakoj jon vykazaŭ padtrymku pratestoŭcam.
Pavodle źviestak aktyvistaŭ, kolkaść zahinułych u vyniku pratestaŭ u Iranie ŭzrasła da 5000 čałaviek.