DTZ na MKAD: taksoŭka ŭrezałasia ŭ darožnuju techniku, paciarpieli dvoje dziaciej
Siońnia nočču na 21‑m kiłamietry ŭnutranaha kalca Minskaj kalcavoj aŭtadarohi adbyłasia avaryja z udziełam lehkavika Renault i hruzavoha aŭtamabila «MAZ». U vyniku sutyknieńnia troje pasažyraŭ taksoŭki, siarod jakich dvoje niepaŭnaletnich, trapili ŭ balnicu.
Za rulom Renault byŭ 50‑hadovy kiroŭca. Pavodle papiaredniaj infarmacyi DAI, padčas ruchu mužčyna adciahnuŭsia ad kiravańnia i ŭrezaŭsia ŭ «MAZ» z pryčepam. Hruzavik naležaŭ darožnym słužbam, jakija ŭ momant zdareńnia vykonvali raboty pa absłuhoŭvańni MKAD.
U vyniku zdareńnia byli špitalizavanyja 33‑hadovaja žančyna i dvoje dziaciej — 10 i 5 hadoŭ.