«Make America Go Away». Dziasiatki tysiač ludziej u Hrenłandyi i Danii vyjšli na akcyi suprać ZŠA
U subotu, 17 studzienia, u Hrenłandyi i Danii prajšli maštabnyja pratesty suprać patrabavańniaŭ prezidenta ZŠA Donalda Trampa pieradać vostraŭ pad amierykanski kantrol. Udzielniki akcyj zajavili pra hatoŭnaść zmahacca za svaju svabodu i patrabavali pavahi da svajho prava samastojna vyznačać budučyniu krainy.
Fota: Sean Gallup / Getty Images
U stalicy Hrenłandyi Nuuku prajšła samaja masavaja akcyja ŭ historyi vostrava, jakuju ŭznačaliŭ premjer-ministr Jens-Frederyk Nilsen.
Tysiačy ludziej z nacyjanalnymi ściahami prajšli maršam da konsulstva ZŠA, skandujučy «Kalaallit Nunaat» (nazva vostrava na hrenłandskaj movie) i trymajučy płakaty «Hrenłandyja nie pradajecca».
Fota: Martin Sylvest Andersen / Getty Images
Šmatlikaje šeście adbyłosia ŭ Kapienhahienie, dzie na vulicy vyjšli bolš za 20 tysiač čałaviek. Pratestoŭcy trymali łozunhi «Nie značyć nie» i «Ruki preč ad Hrenłandyi».
Asobnuju ŭvahu pryciahnuli ŭdzielniki ŭ čyrvonych kiepkach, jakija paradziravali styl prychilnikaŭ Trampa, ale z nadpisam «Make America Go Away».
Fota: Martin Sylvest Andersen / Getty Images
Pratestoŭcy padkreślili, što Hrenłandyja nie źjaŭlajecca tavaram, a jaje budučyniu pavinny vyznačać sami žychary.
Donald Tramp paabiacaŭ padniać myty dla jeŭrapiejskich krain da 25%, kali pahadnieńnie ab kupli vostrava nie budzie dasiahnuta da červienia.
ES sklikaje ekstrannaje pasiadžeńnie pasłoŭ praz taryfnuju vajnu Trampa za Hrenłandyju. Pasły 27 krain ES źbiarucca ŭ niadzielu na ekstrannuju naradu ŭ suviazi z hetym.