Kala minskaha Dana Mall na 17‑hadovuju dziaŭčynu ŭpała hłyba naledzi
Viečaram 17 studzienia z dachu budynka handlovaha centra Dana Mall na 17‑hadovuju dziaŭčynu ŭpała hłyba śniehu i naledzi. Jaje z traŭmami špitalizavali.
Pavodle śledstva, u hety čas na dachu HC pravodziłasia ačystka ad śniehu. Pry hetym miesca mahčymaha padzieńnia śniehu nie było aharodžana naležnym čynam, što i stała pryčynaj zdareńnia.
Pa fakcie zdareńnia zaviedzienaja kryminalnaja sprava pavodle art. 155 Kryminalnaha kodeksa (pryčynieńnie ciažkaha abo mienš ciažkaha paškodžańnia pa nieaściarožnaści).
Śledčyja vyśviatlajuć abstaviny traŭmavańnia niepaŭnaletniaj dziaŭčyny.