U Minsku mužčyna raspyliŭ haz na pradavačku, jakaja nie davała jamu kraści bliny
Kiraŭnica adnoj z kram u Zavodskim rajonie Minska paviedamiła ŭ milicyju, što nieviadomy ŭ stanie ałkaholnaha apjanieńnia sprabavaŭ skraści tavar, a kali jana pasprabavała pieraškodzić heta zrabić — to prymianiŭ suprać jaje piarcovy haz.
Skrynšot ź videa
Patrulnyja milicyjaniery chutka zatrymali 40‑hadovaha minčuka, jaki raniej užo pryciahvaŭsia da kryminalnaj adkaznaści za niezakonny abarot narkotykaŭ.
Vyśvietliłasia, što mužčyna na kasie apłaciŭ tolki ałkaholnyja napoi, a ŭpakoŭku ź blinami prosta pakłaŭ u kišeniu i sprabavaŭ chutka vyjści ź imi z kramy. Pradavačka zaŭvažyła heta i paprasiła viarnuć tavar. Paśla taho ž, jak bliny zastalisia na kasie, mužčyna raspyliŭ žančynie haz u tvar i ŭciok.
Suprać jaho zaviali kryminalnuju spravu pa artykule «Chulihanstva».