U Polščy znajšli niekalki partyj nielehalnych cyharet, dastaŭlenych ź Biełarusi mieteazondami
U Polščy znoŭ znajšli niekalki partyj nielehalnych cyharet, dastaŭlenych ź Biełarusi pavietranym šlacham, paviedamiŭ Padlašski adździeł pamiežnaj słužby.
Pavodle infarmacyi viedamstva, častka hruzaŭ była pieravieziena z dapamohaj mietearałahičnych šaroŭ, i ciapier pravodziacca miery pa vyśviatleńni asob, jakija adpraŭlali i atrymlivali hetyja pakiety.
Praź niekalki hadzin paśla pieršaha paviedamleńnia supracoŭniki pamiežnaha punkta ŭ Kuźnicy znajšli jašče adnu partyju nielehalnych cyharet. Abjom i košt hetych hruzaŭ pakul nie ŭdakładniajucca.
Pierad hetym 9 studzienia, u Polščy vyjavili čatyry partyi kantrabandy, dastaŭlenyja ź Biełarusi pavietranym šlacham: dva pakiety bieśpiłotnikami i dva — praź mietearałahičnyja zondy. Ahulny košt tych cyharet pieravysiŭ 11 tysiač złotych (bolš za 3 tysiačy dalaraŭ).
Za 2025 hod polskija pamiežniki zafiksavali jak minimum 185 vypadkaŭ kantrabandy cyharet z dapamohaj pavietranych šaroŭ.
Čytajcie taksama:
Premjerka Litvy: ZŠA dapamahli vyrašyć prablemu ź mieteazondami
U Polšču znoŭ zalacieli mieteazondy ź biełaruskimi cyharetami
Straty aeraportaŭ Litvy ad biełaruskich mieteazondaŭ pieravysili 800 tysiač jeŭra
Hibrydnyja ataki i kantrabanda: Litva ŭzmacniaje ŭvahu da miažy ź Biełaruśsiu