U Biarozaŭskim rajonie mužčynu zabaranili hulać u anłajn-hulni
Žycharka Biarozaŭskaha rajona źviarnułasia ŭ milicyju, bo jaje syn pastaviŭ jaje ŭ ciažkaje materyjalnaje stanovišča. Jak paviedamlaje Hienieralnaja prakuratura, mužčyna rehularna pravodziŭ čas u azartnych hulniach, u tym liku ŭ internet-hulniach, prajhravaŭ značnyja sumy, žyŭ za košt maci i navat aformiŭ niekalki kredytaŭ, jakija taksama patraciŭ na hulni.
Zdymak ilustracyjny
Pa vynikach pravierki prakuror Biarozaŭskaha rajona źviarnuŭsia ŭ sud z zajavaj ab abmiežavańni syna ŭ naviedvańni hulniavych ustanoŭ i ŭdziele ŭ azartnych hulniach. Sud zadavoliŭ chadajnictva ŭ poŭnym abjomie: biełarusu zabaranili ŭdzielničać u azartnych hulniach i naviedvać hulniavyja servisy terminam na try hady.
U prakuratury adznačyli, što zhodna z Pałažeńniem ab dziejnaści ŭ śfiery azartnych hulniaŭ, kali čałaviek z-za ŭdziełu ŭ azartnych hulniach stavić siabie abo svaju siamju ŭ ciažkaje materyjalnaje stanovišča, sud moža abmiežavać jaho prava ŭdzielničać u hulniach na termin ad paŭhoda da troch hadoŭ.
Čytajcie taksama:
Vyjhryšy ŭ azartnych hulniach pačali abkładacca pavyšanym padatkam
Biełarusy nie zmohuć rabić staŭki ŭ zamiežnych bukmiekierskich kantorach — što źmienicca
«Pačynaŭ z čatyroch rubloŭ». Biełarus za siem miesiacaŭ straciŭ amal paŭmiljona ŭ anłajn-kazino