Na adnoj sa stancyj pabili tempieraturny rekord 1987 hoda

U noč z 15 na 16 studzienia na stancyi Kličaŭ u Mahiloŭskaj vobłaści była zafiksavanaja anamalna nizkaja tempieratura. Słupok termomietra apuściŭsia da adznaki minus 27,8 hradusa.

Zdymak ilustracyjny. Fota z sacyjalnych sietak

Jak paviedamili ŭ Biełhidramiecie, papiaredni rekord byŭ ustalavany jašče ŭ 1987 hodzie. Tady tempieratura pavietra apuściłasia da minus 26,9 hradusa.

Zdavałasia b, roźnica ŭsiaho 0,9°C, ale jana vyrazna demanstruje moc ciapierašnich zimovych chaładoŭ, patłumačyli ŭ Biełhidramiecie.

Sinoptyki taksama ŭdakładnili, što takoje maroznaje nadvorje zachavajecca jak minimum u najbližejšyja piać sutak. Biełarusam nie varta ŭ hetyja dni čakać apadkaŭ, adnak da chryščenskich marazoŭ treba być hatovymi.

Kamientary da artykuła