Vynieśli prysud rabotniku Mazyrskaha NPZ, jakoha aryštavali za Hajun samym pieršym
Zatrymańniem Maksima Nikicienki hubazikaŭcy pachvalilisia adrazu paśla taho, jak uzłamali prajekt.
Maksim Nikicienka. Fota z sacyjalnych sietak
Uvajšoŭ u dziejańnie prysud palitviaźnia Maksima Nikicienki. U kancy 2025 hoda jaho asudzili ŭ Homielskim abłasnym sudzie za «sadziejničańnie ekstremisckaj dziejnaści», a ciapier Viarchoŭny sud pakinuŭ prysud.
Nikicienku prysudzili ci chimiju z nakiravańniem, ci kałoniju. Chutčej za ŭsio, havorka idzie mienavita pra kałoniju, ale dakładny prysud nieviadomy.
43‑hadovy Maksim Nikicienka z Mazyra — pieršy aryštavany pa spravie Hajuna. Jaho imia stała viadoma ŭ lutym 2025 hoda, kali hubazikaŭcy pachvalilisia ŭzłomam Hajuna i zatrymańniem chłopca.
Na 2020 hod jon byŭ načalnikam tramvajnaha ŭčastka na Mazyrskim naftapierapracoŭčym zavodzie, pracavaŭ tam i na pačatak 2024 hoda, choć pasada nieviadomaja.
U Maksima jość žonka i dvoje niepaŭnaletnich dziaciej — syn i dačka.