Biełaruski chakieist zhulaje ŭ matčy zorak ACHŁ
Biełaruski forvard «Chieršy Biears» Illa Protas abrany dla ŭdziełu ŭ Matčy zorak Amierykanskaj chakiejnaj lihi (druhaja pa značnaści chakiejnaja liha ŭ Paŭnočnaj Amierycy paśla NCHŁ), paviedamlaje «Biełaruski chakiej».
Illa Protas, fota: x.com/TheHersheyBears
Biełaruski forvard «Chieršy Biears» Illa Protas abrany dla ŭdziełu ŭ Matčy zorak ACHŁ, jaki adbudziecca 10—11 lutaha ŭ Rokfardzie, štat Ilinojs.
Pra hetuju navinu małodšy Protas daviedaŭsia ad starejšaha brata Alaksieja Protasa, jaki abaraniaje kolery «Vašynhtona» ŭ Nacyjanalnaj chakiejnaj lizie.
19‑hadovy Illa Protas u ciapierašnim siezonie ACHŁ u 34 matčach nabraŭ 27 (14+13) bałaŭ. Siarod navičkoŭ lihi jon zajmaje čaćviortaje miesca ŭ śpisie bambardziraŭ i druhoje — u śpisie snajpieraŭ.
Małodšy Protas byŭ abrany «Vašynhtonam» na drafcie 2024 hoda, adnak u NCHŁ pakul nie debiutavaŭ.