Lidarka vieniesuelskaj apazicyi pieradała Trampu svoj Nobieleŭski miedal
Lidarka vieniesuelskaj apazicyi Maryja Karyna Mačada pry sustrečy z prezidentam ZŠA Donaldam Trampam pieradała jamu svoj Nobieleŭski miedal, paviedamlaje Reuters.
Maryja Karyna Mačada ŭ Vašynhtonie, 15 studzienia 2026 hoda. Fota: Anna Rose Layden/Getty Images
Mačada, adnak, nie adkazała na pramoje pytańnie žurnalistaŭ, ci pryniaŭ Tramp ad jaje ŭznaharodu.
Pa infarmacyi ad pres-puła Biełaha doma, sustreča Mačada i Trampa, jakaja adbyłasia 15 studzienia, praciahvałasia bolš za dźvie hadziny. Inšyja detali pieramovaŭ nie raskryvalisia.
Sam prezident ZŠA, vystupajučy na mierapryjemstvie ŭ Biełym domie, pra svaju sustreču ź lidarkaj vieniesuelskaj apazicyi ŭvohule nie zhadaŭ.
Narviežski Nobieleŭski kamitet jašče 9 studzienia zajaviŭ, što paśla abviaščeńnia Nobieleŭskaj premii jaje niemahčyma adklikać, padzialić abo pieradać inšaj asobie.
Čytajcie taksama:
Tramp pra Mačada: U jaje niama padtrymki ŭnutry krainy, choć jana vielmi miłaja žančyna
Mačada prapanavała padzialić svaju Nobieleŭskuju premiju miru z Trampam
Alesiu Bialackamu ŭ Osła ŭručyli Nobieleŭski dypłom i znak łaŭreata