U Babrujsku druhi dzień šukajuć 16‑hadovuju dziaŭčynu

U Babrujsku abviaścili pošuk 16‑hadovaj dziaŭčyny, jakaja źnikła paśla taho, jak pajšła z domu. Pra heta paviedamiŭ pošukava-ratavalny atrad «Fieniks».

Pavodle najaŭnaj infarmacyi, Valeryja Biełkina 14 studzienia kala 10‑j hadziny ranicy vyjšła z domu na praśpiekcie Budaŭnikoŭ i dahetul nie viarnułasia. Kudy jana nakiravałasia, nieviadoma.

Dziaŭčynie na vyhlad 16 hadoŭ, jaje rost kala 168 sm, chudarlavaj kamplekcyi, maje doŭhija čornyja vałasy. U dzień źniknieńnia Valeryja była apranutaja ŭ padoŭžanuju biełuju kurtku, čorny šalik, čornyja šyrokija džynsy i čorny abutak.

Usich, chto moža mieć lubuju infarmacyju pra miesca znachodžańnia padletka, prosiać terminova paviedamić u pošukava-ratavalny atrad «Fieniks» pa numary +375 (29) 222— 10‑19 (Viber, WhatsApp, Telegram) abo źviarnucca ŭ milicyju pa telefonie 102.

Kamientary da artykuła