Bieź viz ciapier možna trapić u Łaos
U śpisie krain, kudy biełarusy mohuć ujechać bieź vizy, źjaviłasia papaŭnieńnie. Z 15 studzienia bolš nie treba adkryvać vizu dla pajezdki ŭ Łaos.
Fota: Oleh Slobodeniuk / Getty Images
Hramadzianie našaj krainy mohuć znachodzicca tam na takich umovach da 30 dzion. Pra novaŭviadzieńnie paviedamili ŭ pasolstvie Biełarusi ŭ Vjetnamie.
Sumarny termin biaźvizavaha znachodžańnia na praciahu hoda nie pavinien pieravyšać 90 dzion. Kali ž jość žadańnie zastacca ŭ Łaosie adrazu daŭžej, čym na miesiac, daviadziecca aformić vizu.
Kraina raźmieščanaja ŭ Paŭdniova-Uschodniaj Azii i miažuje z Tajłandam, Vjetnamam, Kambodžaj, Mjanmaj i Kitajem.
Pramoha avijazłučeńnia pamiž Biełaruśsiu i Łaosam pakul niama. Samy biudžetny varyjant dabracca tudy ź Minska ŭ najbližejšyja tydni budzie kaštavać 482 dalary (kala 1400 rubloŭ). Praŭda, daviadziecca zrabić dźvie pierasadki — u Maskvie i kitajskim Huančžou.