Adbitak palca dazvoliŭ złavić vykradalnika hrošaj u Mastach
Žycharka Mastoŭ źviarnułasia ŭ miascovy RAUS z zajavaj ab kradziažy 240 rubloŭ ź jaje kašalka.
Vyjšła tak. Viarnuŭšysia dadomu, jana pabačyła, što zhubiła zaplečnik z kašalkom. Prajšoŭšy pa maršrucie svajho ruchu, zaplečnik znajšła, adnak hrošaj u partmanecie ŭžo nie było.
Śledča-apieratyŭnaj hrupaj byŭ praviedzieny ahlad miesca zdareńnia i asabistych rečaŭ paciarpiełaj ekśpiertam byŭ vyjaŭleny śled palca ruki, paviedamlaje Dziaržkamitet sudovych ekśpiertyz.
U vyniku ekśpiertyzy było ŭstanoŭlena supadzieńnie z adbitkami palcaŭ mužčyny 1968 hoda naradžeńnia, pra što sudovyja ekśpierty prainfarmavali apieratyŭna-dziažurnuju častku Mastoŭskaha RAUS. Mužčynu zatrymali.