U Šumilinskim rajonie mužčyna praz reŭnaść spaliŭ čužuju chatu z vypadkovym čałaviekam
Trahiedyja adbyłasia paśla zastolla, kali kampanija razyšłasia.
SK zaviaršyŭ rasśledavańnie kryminalnaj spravy ab zabojstvie i padpale ŭ Šumilinskim rajonie. Achviaraj staŭ 60‑hadovy mužčyna, jaki naohuł nie byŭ datyčny da kanfliktu.
Trahiedyja pačałasia z zastolla, paśla jakoha kampanija razyšłasia. Nočču 52‑hadovy mužčyna pračnuŭsia i nie znajšoŭ pobač svaju sužycielku. Mužčyna padumaŭ, što žančyna zastałasia ŭ haspadara chaty, dzie jany vypivali ŭdzień.
Aślepleny reŭnaściu, jon viarnuŭsia da čužoha doma, padpaliŭ abrus na vierandzie i spakojna pajšoŭ spać. Jak vyśvietliłasia paźniej, jaho kachanaj u hetym domie naohuł nie było.
Haspadara padpalenaj chaty ŭdałosia vyratavać, adnak jahony hość, 60‑hadovy mužčyna, jaki zastaŭsia pieranačavać, zahinuŭ ad atručvańnia čadnym hazam.