Pryhažuni ŭ instahramie vychvalajucca darahimi sukienkami, jakija im padaryŭ Łukašenka
Na pryjom z nahody staroha Novaha hodu ŭdzielnicy «Mis Biełaruś — 2025» chadzili ŭ sukienkach, jakija nibyta atrymali ŭ padarunak ad Łukašenki. Košt kožnaj — ad 6 da 10 tysiač rubloŭ.
Finalistki «Mis Biełaruś — 2025» Darja Šuško i Stefanija Kazłovič
Alaksandr Łukašenka na stary Novy hod ładziŭ pryjom. Prapahanda paviedamlała, što sabraŭ jon tych, chto adstojvaje honar krainy i tvoryć jaje historyju. Siarod takich vybitnych asob apynulisia i finalistki «Mis Biełaruś-2025».
Darja Šuško i Stefanija Kazłovič apublikavali ŭ instahramie storys z fota ŭ viečarovych uborach. Pryhažuni pachvalilisia, što ich šykoŭnyja sukienki — heta padarunak ad Łukašenki.
Nasamreč, heta tyja samyja sukienki, u jakich pretendentki na karonu «Mis Biełaruś» vychodzili na finalnaje defile konkursu. Pa tradycyi Alaksandr Łukašenka jak by doryć ich dziaŭčatam. Nijakich dadatkovych sukienak śpiecyjalna dla śviatkavańnia staroha Novaha hodu dla pryhažuń nie nabyvali.
Tyja konkursnyja sukienki, jak stała viadoma «Našaj Nivie», šyli na zamovu, a košt kožnaj składaŭ ad 6 da 10 tysiač rubloŭ.
Čytajcie taksama:
U manastyr Natalla Piatkievič padabrała da chustački francuzskaje palito
Piatkievič pryjšła da Łukašenki ŭ pinžaku luksavaha amierykanskaha brenda