Padletak padpaliŭ pietardu prosta ŭ kvatery
Uviečary ŭ aŭtorak u Mahiloŭskuju abłasnuju balnicu dastavili padletka. Jak vyśvietliłasia, pryčynaj zvarotu stali traŭmy, atrymanyja ŭ vyniku vybuchu pietardy.
Zdareńnie adbyłosia ŭčora kala 21:15. Padletak vyrašyŭ vykarystać pietardu niepasredna ŭ kvatery — u vyniku vybuch piratechničnaha vyrabu pryvioŭ da traŭm. U balnicu chłopca dastavili baćki.
«Chłopčyk atrymaŭ množnyja ranki kiści, šyi i hrudnoj kletki», — paviedamili ŭ MNS. Pavodle źviestak viedamstva, 13‑hadovy paciarpieły špitalizavany.