Fatohrafa Natallu Bačurynskuju asudzili za ekstremizm
Natallu abvinavacili ŭ finansavańni ekstremisckaj dziejnaści» (art. 361-2) i prysudzili try hady pazbaŭleńnia voli.
Fota: sacsietki
Prysud dziaŭčynie vynieśli 13 studzienia ŭ Homielskim abłasnym sudzie, paviedamlaje «Homielskaja viasna».
Pra zatrymańnie Natalli Bačurynskaj pravaabaroncam nie było viadoma. I tolki pa atrymańni infarmacyi pra vyniasieńnie joj prysudu ŭdałosia daviedacca, što jana znachodzicca ŭ SIZA № 3 u Homieli prykładna ź lipienia.
Tady razam ź joj tam była i samaja stałaja palitźniavolenaja Safija Bačurynskaja, jakuju vyzvalili ŭžo z žanočaj kałonii 13 śniežnia 2025 hoda paśla pieramoŭ pradstaŭnika administracyi ZŠA Džona Koŭła z Łukašenkam.
Natalla i Safija Bačurynskija nie źjaŭlajucca rodzičami, u ich prosta adnolkavyja proźviščy.
Natalla Bačurynskaja šmat fatahrafavała pryrodu, asabliva ptušak, jaje dobra viedali ŭ likvidavanaj uładami arhanizacyi arnitołahaŭ-amataraŭ «Achova ptušak Baćkaŭščyny».