SpaceX zrabiła Starlink biaspłatnym u Iranie
Kampanija Iłana Maska SpaceX admianiła abanienckuju płatu za spadarožnikavy internet Starlink u Iranie — na fonie poŭnaj błakady internetu, jakuju ŭłady ŭviali šeść dzion tamu dla padaŭleńnia pratestaŭ.
Fota: freepik.com
Pra heta paviedamlaje Bloomberg sa spasyłkaj na vykanaŭčaha dyrektara amierykanskaj arhanizacyi Holistic Resilience Achmada Achmadzijana. Aficyjna Starlink nie kamientavaŭ hetuju infarmacyju.
Vykarystoŭvać pryjomniki Starlink u Iranie aficyjna zabaroniena, ale aktyvisty kantrabandaj pierapraŭlajuć abstalavańnie praź miažu, niahledziačy na ryzyki. Pavodle acenak Achmadzijana, u krainie ciapier bolš za 50 tysiač takich pryład.
«Ź pieršaha dnia my bačyli videa z usich kutkoŭ krainy. Ludzi prydumlali aryhinalnyja sposaby dzialicca prapusknoj zdolnaściu Starlink — stvarali sistemy, jakija dazvalajuć ludziam za miežami Irana źviazvacca sa svaimi siemjami», — raspavioŭ Achmadzijan FT.
Čytajcie taksama:
«Jany prosta praciahvali zabivać». Što vidavočcy kažuć pra kryvavaje padaŭleńnie pratestaŭ u Iranie
Čym ciapierašnija pratesty ŭ Iranie adroźnivajucca ad papiarednich