«Jamu faktyčna kaniec». Kancler Mierc zajaviŭ, što režym ajatoł u Iranie nabliziŭsia da krachu
Kancler Hiermanii Frydrych Mierc na fonie masavych pratestaŭ u Iranie zajaviŭ, što ŭłada ajatoł moža ŭpaści ŭžo ŭ najbližejšy čas.
Fota: Nietfeld / picture alliance via Getty Images
«Kali režym moža ŭtrymlivacca va ŭładzie tolki z dapamohaj hvałtu, to jamu faktyčna kaniec. Ja miarkuju, što my zaraz źjaŭlajemsia śviedkami apošnich dzion i tydniaŭ hetaha režymu», — skazaŭ jon padčas vizitu ŭ indyjski horad Banhałor, piša Bild.
Mierc rezka asudziŭ dziejańni ŭładaŭ u Tehieranie. Raniej jon nazvaŭ razhrom mirnych demanstracyj «niepraparcyjnym» i «žorstkim» i zaklikaŭ iranskaje kiraŭnictva «abaraniać ułasnaje nasielnictva, a nie zapałochvać jaho».
Pry hetym kancler asobna padkreśliŭ mužnaść ludziej, jakija, ź jahonych słoŭ, mirna vychodziać na vulicy, patrabujučy svabody, i majuć na heta poŭnaje prava.
Čytajcie taksama:
ZŠA ŭzvažvajuć nastupny krok u dačynieńni da Irana — i sutykajucca sa składanym vybaram
«Jany prosta praciahvali zabivać». Što vidavočcy kažuć pra kryvavaje padaŭleńnie pratestaŭ u Iranie
Uładzimir Zialenski zaklikaŭ śviet dapamahčy narodu Irana zrynuć režym ajatoł