Apple upieršyniu za 14 hadoŭ stała lidaram rynku smartfonaŭ
Kampanija abahnała Samsung.
Getty Images
Kampanija Counterpoint Research apublikavała spravazdaču, zhodna ź jakoj suśvietnyja pastaŭki smartfonaŭ u 2025 hodzie vyraśli na 2%.
Pry hetym u 2025 hodzie Apple uznačaliła suśvietny rynak smartfonaŭ z dolaj 20% i rostam pastavak na 10%, što źjaŭlajecca samym vysokim pakazčykam siarod piaci viadučych brendaŭ. Analityki śćviardžajuć, što ŭ značnaj stupieni heta adbyłosia dziakujučy pośpiechu novych iPhone 17.
Adznačajecca, što Apple nie znachodziłasia na čale suśvietnaha rejtynhu z 2011 hoda.
Kampanija Samsung, jakaja zastavałasia lidaram u papiarednija hady, apuściłasia na druhoje miesca z dolaj rynku 19% i rostam pastavak na 5%. Xiaomi zachavała treciuju pazicyju z dolaj rynku 13%.
Čaćviertaje i piataje miescy zajmajuć kitajskija Vivo i Oppo, što majuć pa vosiem pracentaŭ.