Biełaruskija enierhietyki pierachodziać na ŭzmocnieny režym pracy
Ad siońnia čakajecca prychod chałodnych arktyčnych pavietranych mas z Paŭnočnaj Jeŭropy i panižeńnie tempieraturnaha fonu. Moža pachaładać da minus 25—30 hradusaŭ.
Enierhazabiaśpiečvalnyja arhanizacyi pieraviedzieny ŭ režym pavyšanaj hatoŭnaści, paviedamlaje Minenierha.
Uzmocnieny kantrol za pracaj abstalavańnia padstancyj i linij elektrapieradačy, padrychtavanyja reziervovyja krynicy elektrazabieśpiačeńnia. Da likvidacyi mahčymych technałahičnych parušeńniaŭ hatovy 673 avaryjna-adnaŭlenčyja bryhady ahulnaj kolkaściu kala 2,5 tys. čałaviek. Jany ŭkamplektavany nieabchodnymi srodkami abarony, instrumientami i śpiectechnikaj.
Dla padtrymańnia kamfortnaha tempieraturnaha režymu ŭ žyłym fondzie va ŭmovach mocnych marazoŭ pavyšana tempieratura ŭ ciepłasietkach.
Nałažana pastajannaje ŭzajemadziejańnie z padraździaleńniami MNS, miascovymi orhanami ŭłady i słužbami Biełhidramieta.