12‑hadovyja školnicy ź Minska pieradali machlaram 50 tysiač baćkoŭskich hrošaj
Dziaŭčynki ŭ internecie paznajomilisia nibyta z adnahodkami i nieŭzabavie im dasłali hieałakacyju dla sustrečy.
Zatym ź imi źviazalisia nieviadomyja i paviedamili, što ich piersanalnyja danyja trapili ŭ ruki złačyncaŭ, a siemji znachodziacca ŭ niebiaśpiecy, paviedamlaje pres-słužba MUS.
Paśla hetaha pačali pastupać paviedamleńni nibyta ad śledčaha, jaki pahražaŭ aryštam baćkoŭ. Kab hetaha paźbiehnuć, adna z paciarpiełych sabrała źbieražeńni svajoj siamji, zabrała hrošy ŭ druhoj dziaŭčynki i pieradała nieznajomcu kala 50 tys. rubloŭ.
Apieratyŭniki zatrymali kurjera — 29‑hadovaha žychara susiedniaj krainy, jaki prybyŭ u Minsk dla vykanańnia zadańniaŭ kuratara.
Hrošy jon pieradaŭ pasiaredniku i nakiravaŭsia na vakzał, dzie byŭ zatrymany supracoŭnikami milicyi.
Raspačata kryminalnaja sprava za machlarstva.