U Homieli adbyłosia adklučeńnie chałodnaj vady
Haradžan prosiać zachoŭvać spakoj.
U Čyhunačnym rajonie Homiela 12 studzienia adbyłosia avaryjnaje adklučeńnie chałodnaha vodazabieśpiačeńnia, paviedamlaje harvykankam.
Dla praviadzieńnia ramontna-adnaŭlenčych rabot pierakryta chałodnaje vodazabieśpiačeńnie ŭ troch žyłych damach pa vuł. Šašejnaja, 9, 11 i 11A. Avaryjnuju situacyju likviduje ramontnaja bryhada, vykarystoŭvajecca śpiecyjalnaja technika. Jak adznačyli ŭ harvykankamie, aryjencirovačny čas zaviaršeńnia rabot — 16:00.
Haradžan prosiać zachoŭvać spakoj — situacyja znachodzicca pad kantrolem. Śpiecyjalisty profilnych słužbaŭ robiać usio mahčymaje dla adnaŭleńnia vodazabieśpiačeńnia.