U Bychaŭskim rajonie na pažary zahinuŭ mužčyna
Uviečary 9 studzienia na pažary ŭ ahraharadku Dubrova Bychaŭskaha rajona zahinuŭ mužčyna, paviedamlaje Ministerstva nadzvyčajnych situacyj.
Fota: MNS
Kali da miesca vykliku prybyli padraździaleńni MNS, chata hareła adkrytym połymiem, a dach i pierakryćcio častkova abrynulisia. Sa słoŭ susiedziaŭ, u chacie moh znachodzicca čałaviek.
Padčas raźviedki ŭ žyłym pakoi rabotniki MNS znajšli abhareły trup mužčyny. Pošuk zahinułaha byŭ abciažarany vysokaj tempieraturaj, ščylnym zadymleńniem i abrynutymi kanstrukcyjami.
U hetaj domie z dazvołu haspadaroŭ žyŭ 68‑hadovy piensijanier.
U vyniku pažaru byŭ źniščany dach, pierakryćci, zhareła majomaść, paškodžanyja ścieny doma. Razhladanaja viersija pryčyny pažaru — nieaściarožnaje abychodžańnie z ahniom pry kureńni.