U Viciebsku adbyłosia ŭzharańnie ŭ internacie
Uviečary 10 studzienia sistema apaviaščeńnia ab nadzvyčajnych situacyjach «Małanka» paviedamiła pra ŭzharańnie ŭ internacie na viciebskaj vulicy Łazo.
Skrynšot ź videa
Paśla prybyćcia padraździaleńniaŭ MNS na miesca vykliku vyśvietliłasia, što ŭ pamiaškańni elektraščyta zdaryłasia karotkaje zamykańnie elektrapravodki, jakoje zhasła samo pa sabie.
Paciarpiełych niama, evakuacyja žycharoŭ nie spatrebiłasia.
Da miesca vykliku było nakiravana 12 adzinak techniki MNS.