U Biełarusi zabaranili antypierśpirant Rexona
U Biełarusi zabaranili prodaž i ŭvoz rasijskaha antypierśpirantu Rexona «Piaščotna i sakavita», uklučajučy nabory, u składzie jakich jon jość. Pradukt unieśli ŭ rejestr niebiaśpiečnaj pradukcyi Dziaržstandarta.
Ekśpiertyza zaśviedčyła, što skład antypierśpirantu nie adpaviadaje patrabavańniam dla parfumierna-kaśmietyčnaj pradukcyi. Pry vytvorčaści vykarystoŭvaŭsia kampanient Butylphenyl methylpropional (lilijał), jaki pryznany patencyjna niebiaśpiečnym: jon moža vyklikać alerhičnyja reakcyi, u tym liku kantaktny dermatyt, i niehatyŭna ŭpłyvać na repraduktyŭnuju sistemu.
U krainach JEAES z 19 krasavika 2023 hoda Butylphenyl methylpropional zabaraniajecca dla vykarystańnia ŭ novaj parfumierna-kaśmietyčnaj pradukcyi.
U dačynieńni da Rexona pryniatyja miery: zabarona na realizacyju i ŭvoz, źniaćcie z abaračeńnia i anulavańnie dakumientaŭ, jakija paćviardžali jaje adpaviednaść.
Čytajcie taksama:
Biełaruskija i rasijskija aktyvy vytvorcy Dove i Rexona pierajšli da vytvorcy «Dychłafosa»
Pryznali niebiaśpiečnymi dla zdaroŭja špiki, vyrablenyja cemientnym zavodam
U śpiecyjach lidskaj vytvorčaści znajšli niebiaśpiečnyja rečyvy