U Madrydzie zakryli kitajski restaran, u jakim pad vyhladam kačak ludziej karmili hałubami
Padčas pravierki kitajskaha restarana ŭ ispanskim Madrydzie palicyja znajšła surjoznyja parušeńni sanitarnych normaŭ, što mahli pahražać zdaroŭju klijentaŭ. Akazałasia, naviedvalnikam tam padavali stravy ź miasa vuličnych hałuboŭ, vydajučy jaho za kačynaje, piša vydańnie The Sun.
Zdymak ilustracyjny. Fota: «Naša Niva»
U pamiaškańniach znajšli jomistaści ź miasam nieviadomaha pachodžańnia, a taksama vialikija miski z abskubanymi vuličnymi hałubami — usiaho kala 300 kiłahramaŭ. Usia hetaja pradukcyja zachoŭvałasia biez naležnych umoŭ.
Akramia taho, u zonach pryhatavańnia ježy biehali prusaki, na padłozie lažali pastki dla pacukoŭ, a siarod zapasaŭ palicyja znajšła i miasa žyvioł, jakija adnosiacca da vidaŭ pad achovaj.
Pravierka restarana «Džyn Hu» ŭ Madrydzie prajšła jašče ŭ sakaviku 2025 hoda. Paśla znojdzienych parušeńniaŭ ustanovu zakryli, što było aficyjna paćvierdžana ŭ studzieni 2026-ha. U dačynieńni da ŭładalnika restaracyi raspačali kryminalnuju spravu za parušeńnie hramadskaha paradku i pravił biaśpieki charčovych praduktaŭ.
Čytajcie taksama:
Najbujniejšaja sietka fastfudu ŭ śviecie, pra jakuju amal nie viedajuć na Zachadzie
Vosiem azijackich sousaŭ, jakija varta mieć na kuchni
U kitajskich restaranach zamiest baraniny i jałavičyny mohuć padavać miasa janotaŭ i lis
Pachmielny sup, žele z žałudoŭ. Što ŭ mieniu źniavolenaha prezidenta Karei?