Minskija kamunalniki pakazali, što robiać sa śnieham, jaki prynios cykłon «Uli»
U telehram-kanale Minskaj haradskoj žyllovaj haspadarki raskazali, što śnieh z vulic stalicy nie vyvoziać za horad i nie składujuć na pustkach. Jaho ŭtylizujuć na śpiecyjalnym śniehaspłaŭnym punkcie — adzinym u Biełarusi, jaki pracuje ŭ Minsku z 2016 hoda.
Fota: t.me/mgjha
Paśla prybirańnia vulic śnieh na pradpryjemstva pryvoziać samazvałami. Tam jon prachodzić niekalki etapaŭ apracoŭki.
Fota: t.me/mgjha
Spačatku śnieh vyhružajuć na mahutnyja drabilni, dzie źlažałyja i ščylnyja hurby razdrabniajucca da drobnaj masy. Zatym hetaja masa traplaje ŭ reziervuar ź ciopłymi ściokavymi vodami, dzie śnieh chutka rastaje.
Fota: t.me/mgjha
Atrymanuju vadu dadatkova ačyščajuć: admysłovyja pieskałoŭki adździalajuć piasok i śmiećcie, jakija trapili ŭ śnieh z daroh. Paśla hetaha vada samaciokam pastupaje na ačyščalnyja zbudavańni.
Fota: t.me/mgjha
Tolki za minułyja sutki śniehaspłaŭny punkt pryniaŭ 824 kubamietry śniehu — heta prykładna 70 całkam zahružanych samaskidaŭ. Takim čynam, śnieh z haradskich vulic prachodzić poŭny technałahičny cykł — ad razdrabnieńnia da ačystki — i nie nazapašvajecca ŭ miežach Minska.
Fota: t.me/mgjha
Fota: t.me/mgjha
Čytajcie taksama:
Cykłony «Uli» i «Chaŭjer». Chto bolš mahutny
Achviaraŭ u vyniku ŭrahanu «Uli» niama
Ci zakonna taksi pavyšajuć ceny padčas śniehapadu?
Pad Babrujskam z-za śniehu abrynuŭsia karkas ciaplicy lasnoha hadavalnika