Pad Babrujskam z-za śniehu abrynuŭsia karkas ciaplicy lasnoha hadavalnika
Z-za śniehavoj nahruzki ŭ Babrujskim rajonie abrynuŭsia karkas ciaplicy lasnoha hadavalnika, paviedamlaje Mahiloŭskaje abłasnoje ŭpraŭleńnie MNS.
Lasny hadavalnik raźmieščany ŭ pasiołku Broža i pryznačany dla vyroščvańnia pasadačnaha materyjału. Tut častkova abrynuŭsia mietaličny karkas. Na momant abrušeńnia ŭ ciaplicy nie było ni rabotnikaŭ, ni naviedvalnikaŭ. Pasadačny materyjał nie vyroščvaŭsia.
«Materyjalnaja škoda ŭstanaŭlivajecca. Mierkavanaja pryčyna abrušeńnia — uździejańnie śniehavoj nahruzki i vietru na karkas ciaplicy», — adznačyli ŭ abłasnym upraŭleńni.