Chłopiec u centry Minska sarvaŭ ź dziaŭčyny darahija akulary
27‑hadovy chłopiec razam z pryjacielem unačy adpačyvaŭ na vuł. Zybickaj, dzie paznajomiŭsia z 18‑hadovaj dziaŭčynaj. U jaje byli akulary viadomaha brenda, jakija vielmi spadabalisia fihurantu, — jon navat paprasiŭ dazvołu ich prymierać, pišuć Minsk-naviny.
Ranicaj, kali ŭstanovy začynilisia, pryjacieli pajšli śledam za novaj znajomaj. Utroch jany išli pa vuł. Maksima Bahdanoviča. Raptam chłopiec sarvaŭ z hałavy dziaŭčyny akulary i nadzieŭ ich. Paśla jon paprasiŭ pryjaciela vyklikać taksi.
Dziaŭčyna pačała patrabavać viarnuć aksesuar, ale fihurant hruba joj adkazaŭ, sieŭ u padjechaŭšy aŭtamabil i pajechaŭ dadomu.
Dziaŭčyna źviarnułasia ŭ milicyju, acaniŭšy pryčynienuju joj škodu ŭ 500 rubloŭ. Asobu padazravanaha ŭstanavili chutka, zaviali kryminalnuju spravu.
Jamu vystaŭlena abvinavačańnie ŭ adkrytym vykradańni majomaści (rabaŭnictvie, č. 1 art. 206 KK, sankcyja jakoj — da čatyroch hadoŭ pazbaŭleńnia voli). Vinu całkam pryznaŭ.
U dačynieńni da abvinavačanaha ŭžyta miera strymańnia ŭ vyhladzie padpiski ab niavyjeździe i naležnych pavodzinach.