U Smarhoni ŭźnik pažar u internacie
9 studzienia sistema apaviaščeńnia pra nadzvyčajnyja situacyi «Małanka» paviedamiła pra spracoŭvańnie pažarnaj aŭtamatyki ŭ internacie na vulicy Sinkieviča ŭ Smarhoni.
Skrynšot ź videa
Prybyŭšy na miesca, ratavalniki zaŭvažyli kłuby dymu z voknaŭ błoka na druhim paviersie. Ź niebiaśpiečnaj zony z dapamohaj masak dla dychańnia vyvieli dvuch čałaviek, u tym liku 4‑hadovaje dzicia. Ź vierchnich pavierchaŭ evakuavali 78 čałaviek, u tym liku 14 dziaciej.
Na miescy pracavali 10 adzinak techniki MNS. Nichto ŭ vyniku nie paciarpieŭ, pažar byŭ likvidavany.