U Minsku machlary ažanili mužčynu, kab zavałodać jahonaj kvateraj
Prakuratura Partyzanskaha rajona Minska nakiravała ŭ sud kryminalnuju spravu suprać 51‑hadovaha mužčyny i 59‑hadovaj žančyny, jakija raniej užo mieli sudzimaści. Ich abvinavačvajuć u machlarstvie na vielmi vialikuju sumu.
Zdymak ilustracyjny. Fota: freepik.com
Śledstva vyśvietliła, što ŭ červieni 2021 hoda abvinavačanyja znajšli 63‑hadovaha mužčynu ź psichičnymi prablemami i padmanam ažanili jaho sa svajoj znajomaj. Prykładna praź miesiac paśla taho jany aformili davieranaść ad imia mužčyny, jakaja davała žoncy prava rasparadžacca majomaściu muža.
Skarystaŭšysia hetym daručeńniem, jany aformili kuplu-prodaž kvatery ŭ Minsku, pierapisaŭšy jaje na svajaka abvinavačanaj i faktyčna zavałodaŭšy majomaściu paciarpiełaha, jaki praciahvaŭ u joj žyć.
Paśla hetaha kvateru pradali 58‑hadovaj žančynie, skarystaŭšysia jaje niedaśviedčanaściu ŭ pytańniach ździełak, i atrymali 32 tysiačy dalaraŭ ZŠA.
Padčas papiaredniaha śledstva ŭsie ŭhody byli asprečanyja prakuraturaj i pryznanyja sudom niesapraŭdnymi.
Čytajcie taksama:
12‑hadovy chłopčyk addaŭ hrošy baćkoŭ machlaram
Žančyna zabrała 28 tysiač dalaraŭ z kvatery dački i ziacia dy pieradała afierystam