Kala mietro «Kamiennaja Horka» pabudujuć fizkulturna-azdaraŭlenčy kompleks. Kudy jaho ŭpliščać?
U Minsku adbudziecca aŭkcyjon na prava arendy ziamielnaha ŭčastka dla budaŭnictva fizkulturna-azdaraŭlenčaha centra na skryžavańni Prytyckaha i Łabanka.
Učastak pad budaŭnictva FAKa pa sutnaści — pustka za «Macierykom» i susiednimi damami, piša Realt.by.
Prykładnyja miežy na karcie: płošča ŭčastka, dzie horad płanuje raźmiaścić FAK, składaje 2,33 hiektara. Jon aformleny, darečy, niadaŭna — u kancy listapada 2025 hoda.
Pačatkovaja cana — 178 326,55 rubloŭ. Vydatki na padrychtoŭku dakumientaŭ — 13 944,98 rubloŭ.
Aŭkcyjon projdzie 21 studzienia u Minskim haradskim centry nieruchomaści.