ZŠA vyjšli z 66 mižnarodnych arhanizacyj
Donald Tramp padpisaŭ miemarandum, pavodle jakoha Złučanyja Štaty Amieryki spyniajuć finansavańnie i ŭdzieł u 66 mižnarodnych arhanizacyjach. Pra heta paviedamlajecca na sajcie Biełaha doma.
Fota: Pamela Smith / AP
U tym liku Vašynhton vychodzić z 31 struktury Arhanizacyi Abjadnanych Nacyj.
Jak havorycca ŭ zajavie, mnohija z hetych arhanizacyj «prasoŭvajuć radykalnuju klimatyčnuju palityku, hłabalnaje kiravańnie i ideałahičnyja prahramy, jakija supiarečać suvierenitetu i ekanamičnaj mocy ZŠA».
U Biełym domie taksama zajavili, što amierykanskija padatkapłacielščyki «patracili miljardy» na finansavańnie mižnarodnych arhanizacyj, «atrymaŭšy pry hetym niaznačnuju addaču».
Paśla pačatku druhoha prezidenckaha terminu Donalda Trampa Złučanyja Štaty ŭžo vyjšli z Suśvietnaj arhanizacyi achovy zdaroŭja, Paryžskaha klimatyčnaha pahadnieńnia, Rady AAN pa pravach čałavieka i Blizkaŭschodniaha ahienctva AAN pa dapamozie paleścinskim biežancam.