12‑hadovy chłopčyk addaŭ hrošy baćkoŭ machlaram
U Homielskaj vobłaści zatrymali 52‑hadovaha žychara Mahiloŭskaj vobłaści, jaki zabraŭ pakiet z hrašyma, pakinuty ŭ damoŭlenym miescy 12‑hadovym chłopčykam, paviedamlaje pres-słužba MUS.
Złamyśniki patelefanavali školniku pad vyhladam zamieny damafona, paśla čaho napałochali vydumanaj kryminalnaj adkaznaściu i aryštam baćkoŭ. Zatym prymusili znajści ŭ kvatery kala 700 tys. rasijskich rubloŭ (kala 25 500 biełaruskich) siamiejnych źbieražeńniaŭ i schavać ich na vulicy.
Padčas dalejšych apieratyŭnych mierapryjemstvaŭ była ŭstanoŭlena datyčnaść zatrymanaha jašče da adnaho anałahičnaha złačynstva: 77‑hadovaja piensijanierka da prychodu milicyjanieraŭ navat nie zdahadvałasia, što stała achviaraj machlaroŭ, pieradaŭšy kurjeru zvyš Br120 tys.
Śledčyja raspačali kryminalnuju spravu za machlarstva, ździejśnienaje ŭ asabliva bujnym pamiery. Fihurantu pahražaje da 12 hadoŭ pazbaŭleńnia voli.