U Maskvie hareŭ abaronny zavod «Salut». Tam vyrablajuć ruchaviki dla bajavych samalotaŭ
Na ŭschodzie Maskvy adbyŭsia pažar na terytoryi abaronnaha pradpryjemstva «Salut», jakoje ŭvachodzić u strukturu rasijskaj dziaržkarparacyi «Rastech». Pra zdareńnie paviedamili miascovyja ŚMI.
Pavodle infarmacyi telehram-kanała 112, nabližanaha da rasijskich siłavikoŭ, na zavodzie zaharełasia technałahičnaje abstalavańnie.
Na hety momant pažar likvidavany. Aficyjnyja pryčyny ŭzharańnia pakul nie nazyvajucca.
Pradpryjemstva «ADK-Salut» — adzin z najbujniejšych vytvorcaŭ u rasijskim VPK. Jano zajmajecca vytvorčaściu i servisnym absłuhoŭvańniem avijacyjnych ruchavikoŭ jak dla cyvilnaj, tak i dla vajskovaj avijacyi (u tym liku dla źniščalnikaŭ Su-27, Su-30 i Su-35).
Praz pracu na vajnu zavod znachodzicca pad šmatlikimi mižnarodnymi sankcyjami — z boku ZŠA, Jeŭrasajuza, Kanady, Šviejcaryi, Aŭstralii, Novaj Ziełandyi, Japonii i Ukrainy.