«Niachaj hety čas pryniasie ŭ vaš dom mir». Cichanoŭskaja pavinšavała biełarusaŭ z Rastvom
Demakratyčnaja lidarka źviarnułasia za biełarusaŭ, jakija śviatkujuć Rastvo 7 studzienia.
«Darahija! Vinšuju z Rastvom kožnaha, chto śviatkuje siońnia hety asablivy dzień.
Heta čas śviatkavańnia dabryni, lubvi i viery. Čas, kali my možam padumać pra svajo žyćcio i adčuć udziačnaść za ŭsio, što majem. Spadziajusia, što ŭ hety cudoŭny dzień kožny z vas maje pobač blizkich, ź jakimi možna padzialicca ciepłynioj śviata.
A kali siońnia vy biez rodnych pobač — chaj znojdziecca toje, što padoryć vam krychu kaladnaha nastroju i dušeŭnaha spakoju. Niachaj hety čas pryniasie ŭ vaš dom mir i napoŭnić sercy nadziejaj i śviatłom.
Z Božym Naradžeńniem!» — pavinšavała Śviatłana Cichanoŭskaja.