Biełaruś stała hałoŭnym pakupnikom rasijskich zakatak z ahurkami
Letaś Biełaruś impartavała marynavanych ahurkoŭ na miljony dołaraŭ. Vidać, zapasy ŭ biełaruskich babul pamienšylisia.
Biełaruś stała hałoŭnym pakupnikom rasijskich marynavanych ahurkoŭ i karnišonaŭ. Za 11 miesiacaŭ 2025 hoda naša kraina impartavała hetaj pradukcyi z Rasii na 5 miljonaŭ dołaraŭ.
Za Biełaruśsiu iduć Kazachstan (amal 4 młn dołaraŭ), Kitaj (bolš za 600 tys.), Kyrhyzstan (bolš za 400 tys.) i Izrail (bolš za 350 tys.), piša vydańnie «Biełarusy i rynak».
Jak adznačajuć u «Ahraeksparcie», rasijski ekspart kansiervavanych ahurkoŭ u minułym hodzie nabliziŭsia da rekordu. Kali paraŭnoŭvać z anałahičnym pieryjadam minułaha hoda, abjom pastavak rasijskich ahurkoŭ vyras na 27% u naturalnym vyražeńni i na 47% — u vartasnym.
Raniej stała viadoma, što Biełaruś uvajšła ŭ top-3 pakupnikoŭ rasijskaha šampanskaha i stała najbujniejšym pakupnikom rasijskich čypsaŭ.